काठमाडौँ । मुलपानीमा जारी त्रिकोणात्मक सिरिजमा नेपालले युएईलाई पराजित गरेको छ।
सोमबार सम्पन्न खेलमा नेपालले युएईलाई ५ विकेटले पराजित गरेको हो। युएईले दिएको १६५ रनको लक्ष्य पछाएको नेपालले १९।२ ओभरमा ५ विकेट गुमाउदै लक्ष्य पुरा गरेको थियो।
नेपालका लागि आसिफ सेखले सर्बाधिक ६२ रन बनाएका थिए भने कप्तान रोहित पौडेलले ४७ रन बनाएका थिए। आसिफ र रोहितले चौथो विकेटका लागि ९९ रनको साझेदारी गरेका थिए । त्यसैगरी दिपेन्द्र सिंह ऐरीले १५ बलमा अविजित ४० रन बनाएका थिए।
यसअघि टस हारेर पहिला ब्याटिङ गरेको युएईले २० ओभरमा ७ विकेट गुमाउदै १६४ रन बनाएको थिए।
योसँगै नेपालले सिरिजका चारै खेल जितेको छ। नेपाल यसअघि नै सिरिजको फाइनलमा पुगेको छ। अब युएईले हङकङसँग बुधबार खेल्दै छ। सिरिजको फाइनल खेल भने शुक्रबार टियु मैदानमा हुँदै छ।
