काठमाडौँ । कप्तान क्रिस्टियानो रोनाल्डोको शानदार प्रदर्शनमा एशियन च्याम्पियन्स लिग अन्तर्गत अल नासरले कतारी क्लब अल दुहैललाई पराजित गरेको छ।
गएराती सम्पन्न समुह ई अन्तर्गतको खेलमा अल नासरले अल दुहैललाई ४-३ गोल अन्तरले पराजित गरेको हो।
अल नासरको जितमा रोनाल्डोले यस खेलमा एक असिस्ट र २ गोल गरेका थिए। त्यसैगरी टालिस्का र साडियो मानेले एक एक गोल गरेका थिए।
त्यस्तै अल दुहैलका लागि इस्माइल मोहमद, अल्मोएज अलि र मिचेल ओलुन्गाले एक एक गोल गरेका थिए।
यो जितपछि अल नासरले एशियन च्याम्पियन्स लिगमा लगातार तेस्रो जित निकालेको छ। अल नासर ३ खेलमा ९ अंकसहित शीर्ष स्थानमा रहेको छ। यता अल दुहैलको भने ३ खेलमा एक अंक रहेको छ र समुहमा तेस्रो स्थानमा छ।
