त्रिकोणात्मक टी-२० सिरिजको फाइनल खेलमा आज नेपाल र युएई भिड्दै छन्। किर्तिपुरस्थित टियु क्रिकेट मैदानमा हुने यो खेल बिहान ११ बजेदेखि शुरु हुँदै छ।
नेपाल यस सिरिजमा आफ्ना चारै खेल जितेर अपराजित रहँदै फाइनलमा पुगेको हो भने युएईले हङकङलाई एक खेलमा पराजित गरेर रनरेटका आधारमा हङकङभन्दा माथि रहदै फाइनलमा पुगेको हो ।
यस सिरिजमा नेपालले युएईलाई दुवै पटक पराजित गरेको छ। नेपाल र युएईबीच अहिलेसम्म ७ टी-२० खेल भएका छन्। जसमा नेपालले ४ खेल जितेको छ भने युएईले ३ खेलमा जित हासिल गरेको छ।
