काठमाडौं । त्रिकोणात्मक टि२० सिरिजको उपाधि यूएईले जितेको छ।
कीर्तिपुरस्थित अन्तर्राष्ट्रिय क्रिकेट मैदानमा भएको फाइनल खेलमा संयुक्त अरब इमिरेट्स (यूएई) ले नेपाललाई ४ विकेट हराएको हो।
नेपालले दिएको १६३ रनको विजयी लक्ष्य यूएईले १९.५ ओभरमा ६ विकेट गुमाएर पूरा गर्यो।
यूएईको जितमा ओपनर तथा कप्तान महोमद वासिमले सर्वधिक ४५ रन बनाए। यस्तै बृत्य अरविन्दले २६ रन बनाए।
नेपालका लागि गुलसन झाले र अभिनाष बोराले समान २ विकेट लिए भने कुशल मल्लले १ विकेट हात पारे।
त्यसअघि टस हारेर पहिले ब्याटिङको निम्तो पाएको नेपालले निर्धारित २० ओभरमा नेपालले ८ विकेट गुमाएर १६२ रन बनाएको थियो।
नेपालका लागि ओपनर कुशल भुर्तेलले २८ बलमा ६ चौका र ३ छक्का प्रहार गरे।
अर्को ओपनर आशिफ शेखलाई ७ रनमा गुमाएको थियो। कुशल मल्ल १ रन। कप्तान रोहित पौडेल १८ र दिपेन्द्र सिंह एैरी २० रनमा आउट भए।
सन्दिप जोरा १०, सोमपाल कामी १३, गुलशन झा ५ र करण केसी २३ रनमा अविजित रहे।
यता यूएईका लागि आर्यन आनले ३, अलि नाशिर र जोहोर खानले समान २ विकेट लिए।
यसअघि नेपालले समूह चरणको दुबै खेलमा यूएईलाई पराजित गरेको थियो। नेपालले पहिलो खेलमा ६ विकेट र दोस्रो खेलमा ५ विकेटले पराजित गरेको
यस सिरिजमा नेपाल, हङकङ र यूएईको सहभागिता रहेको थियो। अपराजित रहँदै फाइनल प्रवेश गरेको नेपाल फाइनल खेलमा भने पराजित भएको हो।
