काठमाडौँ । स्पेनिस ला लिगा अन्तर्गत रियल म्याड्रिडले एल क्लासिको जितेको छ।
शनिबार सम्पन्न खेलमा रियल म्याड्रिडले एल क्लासिकोमा बार्सिलोनालाई २-१ गोल अन्तरले पराजित गरेको हो।
रियल म्याड्रिडको जितमा जुडे बेलिङघमले दुवै गोल गरेका हुन्। उनले खेलको ६८ र ९२औं मिनेटमा गोल गर्दै रियल म्याड्रिडलाई जिताएका हुन्।
यसअघि खेलको छैटौं मिनेटमा इके गुनडोगानले गोल गर्दै बार्सिलोनालाई शुरुवाती अग्रता दिलाएका थिए।
यो जितपछि रियल म्याड्रिडको ११ खेलमा २८ अंक भएको छ र शिर्ष स्थानमा कायम रहेको छ। त्यसैगरी बार्सिलोनाको भने यो यस सिजनको तेस्रो हार हो। बार्सिलोनाको ११ खेलमा २४ अंकसहित लिगमा तेस्रो स्थानमा रहेको छ।
