काठमाडौँ । साउदी प्रो लिग फुटबल अन्तर्गत अल नासरले अल फेइहालाई पराजित गरेको छ।
शनिबार राति भएको खेलमा अल नासरले अल फेइहालाई ३-१ गोल अन्तरले पराजित गरेको हो।
अल नासरको जितमा टालिस्काले २ गोल गरेका थिए भने एक गोल ओटाभियोले गरेका थिए। त्यसैगरी अल फेइहाका लागि एक गोल हुसैन अल शुवाइशले गरेका थिए।
योसँगै जारी सिजन अल नासरले आठौँ जित निकालेको छ। ११ खेलमा २५ अंकसहित अल नासर लिगको दोस्रो स्थानमा उक्लिएको छ। शीर्ष स्थानमा रहेको अल हिलालको ११ खेलमा २९ अंक रहेको छ।
