काठमाडौँ । ओपनर कुशल भुर्तेल सिंगापुरविरुद्धको खेलको प्लेयर अफ द म्याच बनेका छन्।
सिंगापुरविरुद्धको खेलको खेलमा शानदार ७४ रन बनाएका भुर्तेलले 'प्लेयर अफ द म्याच' बनेसँगै ५० हजार रकम पुरस्कार पाएका छन्।
भुर्तेलले यस खेलमा 'बेस्ट शट अफ द डे' को पुरस्कार समेत पाएका छन्।
भुर्तेलले सिंगापुरविरुद्धको खेलमा ४८ बलमा ८ चौका र २ छक्कासहित ७४ रन बनाएका थिए।
यस्तै सिंगापुरविरुद्धको खेलमा सन्दीप लामिछानेले 'बेस्ट डेलिभरी अफ द डे' को अवार्ड पाएका छन् भने सन्दीप जोराले उत्कृष्ट क्याचको अवार्ड पाएका छन्।
नेपालले यस खेलमा सिंगापुरलाई ८ विकेटले पराजति गर्दै उत्कृष्ट शुरुवात गरेको छ। सिंगापुरले दिएको १४६ रनको लक्ष्य नेपालले १६.३ ओभरमा २ विकेट गुमाउँदै १४७ रन बनायो।
अब नेपालले मंगलबार मलेसियाविरुद्ध खेल्दै छ।
