काठमाडौँ । नेपाल क्रिकेट संघ (क्यान) ले टी-२० विश्वकप क्रिकेटमा छनोट भएको नेपाली टिमलाई ५० लाख नगद पुरस्कार दिने भएको छ।
क्यान कार्यसमितिको आज बसेको बैठकले राष्ट्रिय क्रिकेट टिमलाई ५० लाख नगद पुरस्कार दिने निर्णय गरेको सचिव पारस खड्काले जानकारी दिएका छन्।
त्यसैगरी क्यानले यू- १९ एशिया कपमा छनोट भएको नेपाली यू-१९ टिमका खेलाडीलाई जनही ५० हजार नगद पुरस्कार दिने निर्णय गरेको छ।
साथै क्यानले टी-२० विश्वकप छनोटको फाइनल खेलमा बिक्री भएको टिकटको आधा रकम जाजरकोटमा गएको भूकम्पबाट पिडितहरुको उद्धारको लागि सहयोग गर्ने निर्णय गरेको छ।
