काठमाडौँ । साउदी प्रो लिग फुटबल अन्तर्गत अल नासरले वेहदालाई पराजित गरेको छ।
शनिबार राति सम्पन्न खेलमा अल नासरले अल वेहदालाई ३-१ गोल अन्तरले पराजित गरेको हो।
अल नासरको जितमा एलेक्स टेल्लेज, अब्दुलेलाह अल अम्री र क्रिस्टियानो रोनाल्डोले एक एक गोल गरेका थिए । त्यस्तै अल वेहदाका लागि अन्सेल्मोले एक गोल फर्काएका थिए ।
यो जितसँग्र अल नासरको जारी सिजनमा १०औं जित निकालेको छ। १३ खेलबाट अल नासरको ३१ अंकसहित लिगमा दोस्रो स्थानमा रहेको छ। पहिलो स्थानमा रहेको अल हिलालको १३ खेलमा ३५ अंक रहेको छ।
यता, अल वेहदाको भने १३ खेलमा १६ अंक रहेको छ र लिगमा नवौं स्थानमा छ।
