मंसिर ३, काठमाडौं । घरेलु टोली भारतले जारी आइसीसी क्रिकेट विश्वकप फाइनलमा अष्ट्रेलियालाई २४१ रनको विजयी लक्ष्य दिएको छ।
नरेन्द्र मोदि स्टेडियम अहमदाबादमा टस हारेर पहिला ब्याटिङ गरिरेको भारतले निर्धारित ५० ओभरमा सबै विकेट गुमाउँदै २४० रन मात्रै बनाउन सक्यो।
भारतका लोकेश राहुलले सर्वाधिक ६६ रन बनाए। विराट कोहलीले ६३ बलमा ४ चौकासहित ५३ रन जोडे।
कप्तान रोहित शर्माले ३१ बलमा ४ चौका र ३ छक्कासहित ४७ रन बनाए। अन्य कुनैपनी ब्याटरले राम्रो गर्न सकेनन्।
त्यसैगरी अस्ट्रेलियाका बलर मिचेल स्टार्कले ३ विकेट लिए भने जोश हजेलवूड र पाट कमिन्सले २-२ विकेट लिएका थिए । त्यस्तै ग्लेन म्याक्सवेल र एडम जाम्पाले एक एक विकेट लिएका थिए ।
