काठमाडौं, पुस २ । अखिल नेपाल फुटबल संघ (एन्फा)को प्रमुख कार्यकारी अधिकृत (सीईओ)मा इन्द्रमान तुलाधार नियुक्त भएका छन्।
सोमबार सातदोबाटोस्थित एन्फा कम्प्लेक्समा बसेको कार्यसमिति बैठकले संकटा क्लबका अध्यक्षसमेत रहका तुलाधरलाई सीईओमा नियुक्त गरेको हो।
यसअघि उनी कर्माछरिङ शेर्पा अध्यक्ष हुँदा महासचिव थिए।
गत कात्तिक २३ गते हेटौँडामा भएको विशेष साधारणसभामा पंकजविक्रम नेम्वाङलाई सहयोग गर्दै उनी जिम्मेवारीसहित एन्फा फर्किएका हुन्।
उनी र शेर्पाले गत भदौ २५ गते अध्यक्ष नेम्वाङ र महासचिव किरण राईलाई बर्खास्तीको प्रस्ताव दर्ता गरेका थिए।
कात्तिक २३ गते अखिल नेपाल फुटबल संघ (एन्फा)को विशेष साधारणसभाले अध्यक्ष पंकजबिक्रम नेम्वाङलाई बर्खास्त गर्ने सम्बन्धी प्रस्ताव अस्वीकृत गरेको थियो।
