काठमाडौँ, पुस १० । राजधानीमा जारी नेपाल सुपर लिग (एनएसएल) को इलिमिनेटर खेल अन्तर्गत आज लिग चरणमा तेस्रो भएको काठमाडौँ रेजर्स र चौथो भएको ललितपुर सिटीबीच हुँदै छ। यो खेल आज साँझ साढे ५ बजेदेखि दशरथ रंगशालामा हुनेछ।
यस खेलको विजेता दोस्रो क्वालिफायरमा पहिलो क्वालिफायरमा पराजित टिम पोखरा थन्डससँग खेल्ने छ। दोस्रो क्वालिफायरको विजेता फाइनलमा पुग्ने छ। दोस्रो क्वालिफायर खेल आगामी विहिबार हुने छ।
जारी एनएसएलको पहिलो क्वालिफायरमा धनगढी एफसीले पेनाल्टी सुटआउटमा पोखरा थन्डर्सलाई ४-३ गोल अन्तरले पराजित गर्दै फाइनलमा पुगिसकेको छ।
पोखरा थन्र्डस १५ अंकसहित शीर्ष स्थानमा रहेर प्लेअफमा पुगेको थियो भने धनगढी एफसी १३ अंकसहित दोस्रो स्थानमा रहँदै प्लेअफमा पुगेको हो।
त्यस्तै दोस्रो क्वालिफायर विहिबार हुँदै छ। त्यस्तै यस सिजनको फाइनल खेल भने शनिबार हुँदैछ।
