काठमाडौँ, माघ १६ । सौजन घिमिरेको अलराउण्ड प्रदर्शनको सहयोगमा कोशी प्रदेशले प्रधानमन्त्री कप राष्ट्रिय क्रिकेट प्रतियोगितामा सान्त्वना जित निकालेको छ।
टियु मैदान कीर्तिपुरमा भएको आफ्नो अन्तिम खेलमा कोशीले लुम्बिनी प्रदेशलाई १६ रनले पराजित गरेको हो। लुम्बिनीले दिएको १७३ रनको लक्ष्य पछ्याएको लुम्बिनीले ४६ दशमलब ५ ओभरमा अल आउट हुनु पुर्व १५६ रन बनाएको छ।
लुम्बिनीका लागि दिल्शाद अलिले ६४ बलमा ३२ रनको सर्वाधिक ठूलो ईनिङ खेले। विराट भण्डारीले ६० बलमा २८ रन बनाए।
कोशीका लागि सौजन घिमिरेले ३ तथा समिर कार्की, कमल खत्री र अभ्यास तिम्सिनाले समान २/२ विकेट लिए।
त्यसअघि टस हारेर पहिले ब्याटिङ गरेको कोशीले ४४ दशमलब ४ ओभरमा अल आउट हुँदै १७२ रन बनायो। कोशीका लागि कप्तान अंकित सुवेदीले ६५ बलमा ४९ रन बनाए।
सौजन घिमिरेले ६९ बलमा ४३ तथा मिनाश थापाले १९ बलमा १७ रन बनाए। लुम्बिनीका लागि नर सार्कीले ४ तथा वीर मगरले ३ विकेट लिए।
जितसँगै कोशीले ९ खेलमा एक १ हात पारेको छ। पराजित लुम्बिनीले ८ खेलमा १ जित निकालेको छ।
