एजेन्सी । साउदी भ्रमणमा रहेको इन्टर मियामीले अल नासरसँग लज्जास्पद हार बेहोरेको छ।
गएराती सम्पन्न मैत्रीपूर्ण खेलमा अल नासरले इन्टर मियामीलाई ६-० ले पराजित गरेको हो।
अल नासरको जितमा टालीस्काले ह्याट्रिक गरेका थिए भने ओटाभियो, आइमेरिक लापोर्टे र मोहमद मरानले १/१ गोल गरेका थिए।
इन्टर मियामीको साउदी टूरमा यो लगातार दोस्रो हार हो। यसअघि इन्टर मियामी अल हिलालसँग पनि पराजित भएको थियो ।
यस खेलमा अल नासरका क्रिस्टियानो रोनाल्डो इन्जुरिका कारण खेलेका थिएनन् भने लियोनेल मेसी ८४औ मिनेटमा मैदानमा आएका थिए ।
