माघ, १९ काठमाडौँ । नेपाली राष्ट्रिय महिला फुटबलर सावित्रा भण्डारी ‘साम्बा’ फ्रान्सको शीर्ष डिभिजन क्लबमा अनुबन्ध भएकी छिन्।
साम्बा फ्रान्सको शीर्ष डिभिजन फुटबल क्लब अन आभान्ट ग्वेंगाम्पमा डेढ वर्षको लागि अनुबन्ध भएकी हुन्।
क्लबले भिडियो सन्देशसहित सावित्रालाई अनुबन्ध गरेको पुष्टि गरेको हो। हमास युद्धका कारण इजरायलको हापोएल रानानासँग सँगको सम्झौता तोड्दै उनी फ्रान्स गएकि हुन्।
फ्रान्सेली क्लब अन आभान्ट ग्वेंगाम्पले इजरायलि हापोएल रानानासँग साम्बाको सम्झौतामा सहमति लिएको हो।
साम्बा अनुबन्धित एना भान गेङगाङ्प १२ खेलमा ८ अंक जोड्दै हाल तालिकाको १०औं स्थानमा रहेको छ। लिगमा अब १० खेल हुन बाकि रहेको छ।
