काठमाडौं । भारतीय अभिनेत्री दीपिका पादुकोण आमा बन्न लागेकी छिन् ।
अभिनेत्री आफैँले उनी गर्भवती भएको घोषणा गरेकी हुन् । दीपिकाले रणवीर सिंहलाई ट्याग गर्दै इन्स्टाग्राम एउटा पोस्ट गरेकी छिन् । जसमा बच्चाको कपडा, जुत्ता, खेलौनाहरुले २०२४ सेप्टेम्बरलाई घेरिएको छ । अर्थात् सेप्टेम्बरमा दीपिका रणवीरको पहिलो सन्तानको जन्म हुनेछ ।
दीपिकाको यो पोस्टमा फ्यान देखि सेलिब्रेटीहरुसम्म धेरैले बधाई तथा शुभकामना दिइरहेका छन् । कयौँ दिनदेखि दीपिका गर्भवती रहेको चर्चा भने चलिरहेको थियो ।
दीपिका र रणवीर सिंहले सन् २०१८ मा इटलीमा बिहे गरेका थिए ।
