काठमाडौं । निर्देशक बसन्त निरौलाको आगामी नेपाली चलचित्र ‘ज्वाइँ साब’मा अभिनेता जितु नेपाल मुख्य भूमिकामा अनुबन्ध भएका छन् ।
चलचित्रमा उनले ज्वाइँको भूमिकामा अभिनय गर्ने जनाइएको छ । अर्थात् फिल्म नै उनीमाथि केन्द्रित हुनेछ । राज कुमार पण्डितको निर्माण रहने फिल्मले सामाजिक विषयवस्तुलाई कमेडी शैलीमा भन्ने निर्देशक निरौलाले बताएका छन् ।
रेड आई फिल्मसले ओएसआर डिजिटल र मौसम फिल्मससँग सहकार्य गरेर निर्माण गर्न लागेको चलचित्रलाई आगामी वर्ष (२०८१)को तिहारमा प्रदर्शन गरिनेछ ।
चलचित्रको निर्माताहरुमा मिना देवी खड्का, सौगात पण्डित र पदम तामाङ छन् भने विजय बस्याल कार्यकारी निर्माता हुन् । सविन अधिकारीको कथा, शंकर धितालको पटकथा तथा संवाद लेखन रहेको फिल्मको आगामी बैशाख १५ गतेबाट छायांकन सुरु गर्ने तयारी भइरहेको छ ।
निर्देशक निरौलाले यसअघि आफूले निर्देशन गरेका चलचित्रभन्दा ‘ज्वाइँ साब’ उत्कृष्ट हुने दाबी गरेका छन् ।
