काठमाडौं । नेपाली चलचित्र ‘फर्की फर्की’को ट्रेलर सार्वजनिक भएको छ ।
बिहिबार सार्वजनिक भएको ट्रेलर अभिनेता अनमोल केसीमा केन्द्रित छ ।
चलचित्रको ट्रेलरमा प्रेम, रोमान्स र बदला देखाइएको छ । एक्सन दृश्यसमेत समावेश ट्रेलरमा अनमोल आफूलाई भगवान भएको बताउँदै हिँडेको देखिन्छ ।
सुयोग गुरुङको लेखन तथा निर्देशन रहेको चलचित्रमा रोहित अधिकारी र ओमप्रकाश अग्रवालको लगानी छ । चलचित्रमा अनमोलसँगै सलोन बस्नेत, जसिता गुरुङ, रवी काफ्ले, सम्वृद्धि अर्याललगायत मुख्य भूमिकामा छन् ।
चलचित्र जेठ १० गते रिलिज हुनेछ ।
