काठमाडौं । चर्चित गायक प्रकाश सपुतले नेपाली चलचित्र ‘वसन्त’ बनाउने भएका छन् ।
आइतबार काठमाडौंमा एक कार्यक्रमबीच उक्त घोषणा गरिएको हो । चलचित्रमा प्रकाश सपुत अभिनेताका रुपमा रहने भएका छन् ।
यो चलचित्रको कथा, निर्देशन र संगीत प्रकाशकै रहने बताइएको छ । चलचित्रको सुटिङ आगामी भदौदेखि थालिने भएको छ । चलचित्रमा नायिकामा स्वस्तिमा खड्का संगै अनुप बराल, प्रकाश घिमिरे र कमलमणि नेपाल लगायतको अभिनय रहने छ ।
गलबन्दी प्रोडक्सनको ब्यानरमा बन्ने यस चलचित्रमा कार्यकारी निर्माता मोहन विक, अनुरोध भट्टराई र नेन्सी शेरचन रहेका छन् । यो चलचित्र २०८१ को चैते दशैँमा प्रदर्शनमा ल्याउने बताइएको छ ।
