काठमाडौं । दीपकराज गिरी र दीपाश्री निरौलाको चलचित्र 'छक्कापञ्जा ५' को फर्स्टलुक पोस्टर सार्वजनिक गरिएको छ।
बिहीबार देखि छायांकनमा जान लागेको चलचित्रको पोस्टर सार्वजनिक गर्दै शीर्ष कलाकार र प्रदर्शन मितिसमेत सार्वजनिक गरिएको छ ।
पोस्टरमा दीपकराज गिरी र केदार घिमिरे(माग्ने बुढा) सहित अभिनेत्री वर्षा शिवाकोटीलाई देखाइएको छ । वर्षा चलचित्रमा मुख्य भुमिकामा देखिने बताइएको छ ।
चलचित्र दसैंको अवसर पारेर असोज २४ गते फूलपातिमा प्रर्दशनमा आउने छ ।
आमा सरस्वती मुभिज र आइएमआईको प्रस्तुतिमा बन्न लागेको चलचित्रलाई दीपाश्री निरौलाले निर्देशन गर्नेछिन्।
उनले यसअघि ‘छक्का पञ्जा’ का तीनवटा शृंखलालाई निर्देशन गरेकी थिइन्।
