काठमाडौं । संजोग राईको निर्देशनमा बनेको चलचित्र ‘देवी’ आगामी भदौ २१ मा प्रदर्शन हुने भएको छ। 

शिल्पाको मास्केको मुख्य भूमिका रहेको चलचित्रको निर्माण पक्षले फस्टलुक सार्वजनिक गर्दै  प्रदर्शन मिति तय गरेको हो । रहस्यमय पोस्टरमा अभिनेत्री शिल्पा मास्केलाई देख्न सकिन्छ। नेपथ्यमा भने कसैको हत्या गरिरहेको दृश्य पनि छ।

चलचित्रको पटकथा निर्देशक राई र अजय गौतमले लेखेका छन्। सार्वजनिक पोस्टरले विद्रोहको कथा भन्न खोजेको अनुमान लगाउन सकिन्छ ।

एक्जिबिटको प्रस्तुति रहेको यो चलचित्र बाँसुरी फिल्म्सको ब्यानरमा बनेको हो । चलचित्रको निर्मातामा पनि निर्देशक राईसहित रेमन गुरुङ र नारायण गुरुङ छन् भने सहनिर्मातामा उजेन नोर्बु गुरुङ र मिलन लामा छन्।