काठमाडौं । चलचित्र ‘तैँ चुप मैँ चुप’ को निर्माण घोषणा गरिएको छ ।
चलचित्रका कलाकार एवम् निर्माता सन्तोष अधिकारीको जन्मोत्सवको अवसर पारेर चलचित्र निर्माणको घोषणा गरिएको हो ।
पोलिटिकल कमेडी ‘तैँ चुप मैँ चुप’लाई घनश्याम लामिछानेले निर्देशन गर्ने भएका छन् । स्क्रिप्ट मनिष गौतमले लेखेका छन् । पोलिटिकल सस्पेन्स कथा रहेको चलचित्रमा समसामयिक राजनीतिक घटनाक्रमहरूलाई कमेडी शैलीमा प्रस्तुत गरिने निर्देशक लामिछानेले बताए ।
काठमाडौं र पोखरामा छायांकन हुने बताएको निर्माणपक्षले चलचित्रका लागि कलाकार छनोटको काम भइरहेको जनाएको छ ।
