काठमाडौं । साउन १८ गते रिलिज हुने नेपाली चलचित्र 'मोदीबेनी' को पहिलो गीत 'मन्जुरी' सार्वजनिक गरिएको छ।

सोमबार काठमाडौंमा आयोजित कार्यक्रमकाबीच गीत सार्वजनिक गरिएको हो। 

गीतमा अभिनेत्री वर्षा शिवाकोटी र नव-अभिनेता अमर प्रताप श्रेष्ठलाई प्रस्तुत गरिएको छ भने एसडी योगी र विज्ञानी पराजुलीको स्वर छ।

शंकर कोइरालाको निर्देशनमा बनेको ‘मोदीबेनी’ मा वर्षा, अमर र सरोजका साथमा प्रविण खतिवडा, रेजिना उप्रेती, दिलीप केसी, स्नेहा भट्टराई, जीवन भट्टराई, हिउँवाला गौतम, कमलमणि नेपाल, सुब्रतराज आचार्य लगायत कलाकारको अभिनय रहेको छ।

डिनेस्ट इन्टरटेनमेन्टको प्रस्तुतिमा बनेको चलचित्रलाई आनन्द विक्रम क्षेत्रीले लेखेका हुन्। दिलीप केसी निर्माता रहेको चलचित्रमा उत्सव दाहालको छायांकन, भरत रेग्मीको सम्पादन छ। चलचित्रलाई रिच इन्टरटेन्मेन्ट र एफडी कम्पनीले वितरण गर्दैछन्।