काठमाडौं । चलचित्र ‘माइली’को शुभमुहूर्त गरिएको छ ।
सोमबार राजधानीको भद्रकाली मन्दिरमा चलचित्रको मुहूर्त गरिएको हो ।
बाबुसाहेब बलामीको निर्देशन रहेको चलचित्रमा प्रियंका कार्की, करिष्मा मानन्धर, शर्मिला मल्ल, कमला घिमिरे, सुष्मा लामा, अंशु महर्जन, कुसुम शर्मा, प्रिया रिजाललगायत कलाकारको अभिनय छ ।
निर्देशक बलामीले चलचित्र सत्य घटनामा आधारित हुने बताएका छन् । चलचित्र मंगलबारबाट छायांकन गरिनेछ । मकवानपुरको वीरखर्ग, कुलेखानी, काठमाडौं र दुबईमा चलचित्र खिचिनेछ ।
