काठमाडौं । चलचित्र ‘छक्का पन्जा ५’को पहिलो गीत ‘बिहे भाको छैन’ बोलको गित सार्वजनिक भएको छ ।
सोमबार सार्वजनिक भएको गीतमा सविन सुवेदी र बेनिशा पौडेलको स्वर रहेको छ भने दीपकराज गिरी र दीपक शर्माको शब्द, दीपक शर्माको संगीत छ ।
सुनिल क्षेत्रीले कोरियोग्राफी गरेको गीतको भिडियोमा चलचित्रका मुख्य दुई कलाकार दीपकराज गिरी र वर्षा सिवाकोटीको अभिनय रहेको छ ।
दीपाश्री निरौला निर्देशित चलचित्रमा दीपकराज गिरीको पटकथा, दीपकराज गिरी, केदार प्रसाद घिमिरे र दिलीप तामाङको कथा, पटकथा र संवाद छ । फिल्मचलचित्रमा रोशन श्रेष्ठको एक्सन, विपिन मल्लको सम्पादन, हरि हुमागाँइको छायाङ्कन छ । चलचित्र आगामी असोजको २४ गतेदेखि प्रदर्शनमा आउने बताइएको छ ।
