काठमाडौं । अभिनेता विराज भट्टका छोरा समीरको डेब्यू चलचित्र ‘१२ गाउँ’ असोज २४ अर्थात् फूलपातीका दिन प्रदर्शनमा आउने भएको छ ।
विराजले मंगलबार नयाँ पोस्टर सार्वजनिक गर्दै चलचित्रको प्रदर्शन मितिबारे जानकारी दिएका हुन् । एक्सन जनरामा बनेको चलचित्रमा विराजकै निर्देशनमा तयार भएको हो ।
चलचित्रमा विराज र समीरसहित न्यान्सी खड्का र सनिशा भट्टराईको मुख्य भूमिका रहेको छ ।
यससँगै विराजको चलचित्र संगै फूलपातीका दिन दीपक–दीपको ‘छक्का पञ्जा–५’, जितु नेपाल र नीति शाहको शीर्ष भूमिका रहने ‘ज्वाइँ साब’ पनि प्रदर्शनमा आउने भएको छ ।
