काठमाडौं । नेपाली बजारमा बुधबार सुनको मूल्यले फेरी नयाँ रेकर्ड बनाएको छ ।
मंगलबार प्रतितोला १ लाख ५२ हजार २०० रुपैयाँ कायम भएको छापावाला सुन आज तोलामा ८०० रुपैयाँले बढेर प्रतितोला १ लाख ५३ हजार रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । यो मुल्य हालसम्मकै उच्च मुल्य हो ।
यसैगरी, आज चाँदीको मूल्य तोलाको १ हजार ८३५ रुपैयाँमा कारोबार भइरहेको छ । मंगलबारयसको मूल्य प्रतितोला १ हजार ८२० रुपैयाँ कायम थियो ।
