काठमाडौं । उपप्रधानमन्त्री एवमं सहरी विकासमन्त्री प्रकाशमान सिंहले सरकारले आमनागरिकका लागि छिट्टै धरहरा खुला गर्ने गरी तयारी गरिररहेको बताएका छन्।
बुधबार मन्त्रालयमा पत्रकारहरूसँग कुराकानी गर्दै मन्त्री सिंहले सरकारको सय दिनभित्रै धरहरा चढ्न मिल्ने गरी व्यवस्था मिलाउन लागिएको बताएका हुन् ।
उपप्रधानमन्त्री सिंहले धरहराको सबै काम नसकिए पनि धरहरा चढ्न चाहनेका लागि आवश्यक बन्दोबस्त भने छिट्टै हुने बताए।
उनले भने,‘धरहरा चढ्न चाहनेहरूका लागि सरकारले एक सय दिनभित्रै केही व्यवस्था गर्न लागिरहेको छ। धरहराको सबै होइन केही भाग खुला गर्नका लागि हामी लागिरहेका छौं,’।
