काठमाडौं । बंगलादेश भारतलाई हराउँदै साफ यू२० च्याम्पियनसिप फुटबलको फाइनलमा पुगेको छ।
सोमबार भएको दोस्रो सेमिफाइनलमा टाइ ब्रेकरबाट विजेता टुंगो लागेको हो।
निर्धारित ९० मिनेटको खेल १-१ गोलको बराबरीमा सकिएपछि पेनाल्टी सुटआउटमा बंगलादेश ४–३ गोलअन्तरले विजयी भएको हो।
यो सँगै फाइनलमा बंगलादेशले नेपालको सामना गर्नेछ। नेपालले भुटानलाई पराजित गर्दै यसअघि नै फाइनलमा पुगेको छ।
फाइनल खेल बुधबार हुँदैछ।
