काठमाडौं । नेकपा (माओवादी केन्द्र)का अध्यक्ष पुष्पकमल दाहालले सरकार गलत बाटोतर्फ अग्रसर रहेको बताएका छन् ।
मंगलबारको प्रतिनिधिसभा बैठकमा प्रतिपक्षी दलको नेताको तर्फबाट सम्बोधन गर्दै सरकार अहंकारपूर्ण तर गलत बाटोतिर अग्रसर भइरहेको बताएका हुन् ।
उनले बर्तमान सरकार जनताभन्दा स्वार्थ समूहको सेवामा अग्रसर रहेको भन्दै शक्तिको दुरुपयोगतिर उन्मुख रहेको बताए ।
“म सरकारलाई हनिमुन पिरियडसम्म शंकाको सुविधा दिने पक्षमा थिएँ । सरकारमाथि पहिलो बहस जनताको अदालतमा होस् भन्नेमा थिएँ,” । यो झण्डै दुई महिनाको यो अवधिलाई हेर्दा सरकारको नियत र गन्तव्यको अवलोकनपछि म यो निश्कर्षमा पुगेको छु यो “सरकार अहंकारपूर्ण तर गलत बाटोतिर अग्रसर छ । संख्याको उन्माद र शक्तिको दुरुपयोगतिर उन्मुख छ । जनताभन्दा स्वार्थ समूहको सेवामा अग्रसर छ,” उनले भने ।
