काठमाडौं । साफ महिला च्याम्पियनसिप अन्तर्गत भुटानले श्रीलंकालाई पराजित गरेको छ ।
सोमबार अपराहन्न दशरथ रंगशालामा भएको खेलमा भुटानले श्रीलंकालाई ४–१ गोल अन्तरले पराजित गरेको हो ।
भुटानका लागि डेकी लहाजोमले २ गोल गरेकी थिइन् भने नामग्याल डेमा र दोर्जी एडोनले एक एक गोल गरेकी थिइन् । त्यस्तै श्रीलंकाका लागि एक गोल थुशानी मदुशिकाले गरेकी थिइन् ।
यो जितपछि भुटानको समुह बी मा ४ अंक भएको छ र शिर्ष स्थानमा उक्लिएको छ । त्यस्तै श्रीलंकाको २ खेलमा ३ अंक रहेको छ ।
अब भुटानले समुह चरणको अन्तिम खेलमा विहिबार माल्दिभ्ससँग खेल्ने छ भने श्रीलंकाले सोहि दिन नेपालको सामना गर्ने छ ।
