काठमाडौं । सहकारी रकम अपचलनमा पक्राउ परेका राष्ट्रिय स्वतन्त्र पार्टी (रास्वपा) का सभापति रवि लामिछानेका समर्थकले मंगलबार पोखरामा बिरोध प्रदर्शन गरेका छन् ।
लामिछानेलाई राजनितिक प्रतिशोधपूर्ण तरिकाले फसाउन खोजिएको दाबी गर्दै पोखरास्थित जिरो किलोमा रास्वपाका नेता कार्यकर्तासहितका समर्थकले लामिछानेको पक्षमा प्रदर्शन गरेका हुन् ।
उनीहरुले लामिछानेको रिहाइको माग गर्दै प्रतिशोधपूर्ण राजनीति नगर्न सरकारसँग माग गरे ।
लामिछानेलाई मंगलबार नै कास्की जिल्ला अदालतमा म्याद थपको लागि पेस गरिएको छ । उनी गत कात्तिक ३ गते काठमाडौँबाट पक्राउ परेका थिए ।
