काठमाडौं । राष्ट्रिय स्वतन्त्र पार्टीका सभापति रवि लामिछानेलाई मंगलबार बुटवल लगिने तयारी गरिएको छ ।
हाल जिल्ला प्रहरी कार्यालय कास्कीको हिरासतमा राखेर सूर्यदर्शन सहकारीको अनुसन्धान भइरहेका लामिछानेलाई बुटवलको सुप्रिम सहकारी ठगीको आरोपमा अनुसन्धान गर्न मंगलबार बिहान बुटवल लैजाने तयारी गरिएको हो।
जिल्ला प्रहरी कार्यालय रुपन्देहीले अनुसन्धानका लागि बुटवल पठाइदिन पत्राचार गरेको हो। सूर्यदर्शन सहकारीको ठगी आरोपमा पोखरामा बयान सकिएकाले उनलाई बुटवल पठाउने तयारी भएको कास्की प्रहरीले जानकारी दिएको छ।
बुटवलमा पनि उनीविरुद्ध पक्राउ पूर्जि जारी भइसकेको छ।
रवि लामिछानेलाई कात्तिक २ गते काठमाडौंबाठ पक्राउ गरेर पोखरा लगिएको थियो ।
