काठमाडौं । नेपाल प्रिमियर लिग एनपीएल खेल्ने तयारीमा रहेको काठमाडौं गुर्खाजले ब्राण्ड एम्बासडरमा नेपाली राष्ट्रिय महिला क्रिकेट टिमकी कप्तान इन्दू बर्मालाई घोषण गरेको छ ।
आइतबार काठमाडौंमा एक कार्यक्रमकाबीच बर्मालाई ब्राण्ड एम्बासडरको रुपमा सार्वजनिक गरेको हो ।
कार्यक्रममा इन्दूले काठमाडौं गुर्खाजमा आवद्ध हुन पाएकोमा खुसी व्यक्त गर्दै आसन्न एनपीएल फेस्टिवल अफ क्रिकेटको रुपमा चर्चा गरिन् ।
काठमाडौं स्पोर्ट्स डेभलपमेन्ट भेन्चरको स्वामित्व रहेको काठमाडौं गुर्खाजमा करण केसी ‘मार्की प्लेयर’ मा रहेका छन् ।
एनपीएलमा ८ टिमको सहभागिता रहेको छ भने उद्घाटन खेल मंसिर १५ र फाइनल खेल पुस ६ गते हुने छ । प्रतियोगिताको खेल तालिका भने सार्वजनिक भएको छैन ।
