काठमाडौं । नेपाल प्रिमियर लिग (एनपीएल)को फ्रन्चाइज टोली जनकपुर बोल्ट्सले क्यानडाका अलराउन्डर हर्ष ठाकरलाई अनुबन्ध गरेको छ ।
बिहीबार ठाकरलाई अनुबन्ध गरेको जनकपुर बोल्ट्सल सामाजिक सञ्जालमार्फत जानकारी दिएको छ । २७ वर्षिय ठाकरले ३५ टी–२० आई खेलमा २९ विकेट तथा ४ सय ५१ रन बनाएका छन् ।
यसअघि जनकपुरले अमेरिकाका जोशुवा ट्रम्प, मोहम्मद मोहसिन र लाहिरु मिलन्था, पाकिस्तानका सोयब मक्सुद, न्युजिल्याण्डका जिमी निशम, र इंल्याण्डका अलराउन्डर बेन माइकलाई अनुबन्ध गरेको छ ।
आसिफ शेख मार्की खेलाडी रहेको जनकपुरमा मुख्य प्रशिक्षक भने पुबुदु दासानायके हुन् ।
मंसिर १५ देखि पुस ६ गतेसम्म हुने एनपीएलको उद्घाटन खेलमा जनकपुर र विराटनगर किङ्सबीच प्रतिस्पर्धा गर्नेछन् ।
