काठमाडौं । नेपाली कांग्रेसले कीर्तिपुरमा चुनावी सभा गरेको छ ।
चुनावी प्रचारप्रसारको अन्तिम दिन बिहीबार कांग्रेसले पार्टीका महामन्त्रीद्वय गगन थापा र विश्वप्रकाश शर्मासमेतको उपस्थितिमा कीर्तिपुरको लोकतान्त्रिक चोकमा चुनावी सभा गरेको हो ।
आगामी मंसिर १६ मा कीर्तिपुरको मेयरका लागि उपनिर्वाचन हुँदैछ । यो निर्वाचनमा कांग्रेसले कृष्णमान डंगोललाई उम्मेदवार बनाएको छ।
आजै कांग्रेससहित माओवादी केन्द्र र नेकपा एमालेले पनि यहाँ चुनावी सभा आयोजना गरेका छन् ।
