काठमाडौं । काठमाडौंको कीर्तिपुर नगरपालिकाको प्रमुख पद(मेयर)मा नेपाली कांग्रेसका उम्मेदवार कृष्णमान डंगोल निर्वाचित भएका छन् ।
आइतबार भएको उपनिर्वाचनको अन्तिम मतपरिणाम अनुसार कांग्रेस उम्मेदवार डंगोल निर्वाचित भएका हुन् ।
डंगोलले ५ हजार ५सय ६ मत ल्याएका छन् भने माओवादी केन्द्रका उम्मेदवार प्रा.डा.शिवशरण महर्जनले ५ हजार ६७ मत प्राप्त गरेका छन् । ४ हजार ३सय २६ मत ल्याएर एमालेका उम्मेदवार डा.सुरेन्द्र मानन्धर तेस्रो स्थानमा छन् ।
२०७९ को निर्वाचनमा कीर्तिपुर नगरपालिका प्रमुखमा कांग्रेसकै राजकुमार नकर्मी ९ हजार ४३ मत पाएर विजयी भएका थिए। एमालेका केशरत्न बज्राचार्यले त्यतिखेर ५ हजार ५०७ मत ल्याएका थिए।
कीर्तिपुरको वडा नं १ र ४ मा पनि कांग्रेस विजयी भएको छ ।
