काठमाडौं । नेपाल प्रिमियर लिग एनपीएलमा काठमाडौं गुर्खाजले विजयी सुरुवात गरेको छ ।
बुधबार कीर्तिपुरस्थित त्रिवि क्रिकेट मैदानमा भएको पहिलो खेलमा कर्णाली याक्सलाई ३ विकेटले पारजित गर्दै काठमाडौं गुर्खाज विजयी भएको हो ।
कर्णालीले दिएको १५० रनको लक्ष्यमा काठमाडौंले १९.३ ओभरमा ७ विकेट गुमाउँदै पूरा गर्यो । काठमाडौंका लागि गेर्हार्ड इरास्मसले ३८ र माइकल लेभिटले २२ रन बनाए भने सुमित महर्जनले ४० अविजित र करण केसीले २८ रन जोडे ।
यसअघि ब्याटिङ गरेको कर्णालीले २० ओभरमा ५ विकेट गुमाउँदै १४९ रन बनाएको थियो ।
कर्णालीका लागि शिखर धवनले ५१ बलमा ४ चौका र ५ छक्क प्रहार गर्दै ७२ रन बनाए ।
अर्जुन घर्तीले ४, गुल्शन झाले १२, बाबर हायतले १३, च्याडविक वाल्टनले २१ र देव खनाल शून्यमा आउट भए ।
काठमाडौं गुर्खाजका लागि गेर्हार्ड इरास्मसले २ तथा कप्तान करण केसी, नाथन सोटर र दीपेश कँडेलले १–१ विकेट लिए ।
