काठमाडौं । नेपाल प्रिमियर लिग(एनपिएल)को आजको दोस्रो खेलमा सुदूरपश्चिम रोयल्सले काठमाडौं गुर्खाजलाई १६८ रनको लक्ष्य दिएको छ ।
बिहिबार कीर्तिपुरस्थित त्रिवि मैदानमा जारी दोस्रो खेलमा सुदूरपश्चिमले २० ओवरमा ६ विकेट गुमाउँदै १६७ रन बनाएको हो ।
सुदूरपश्चिमका लागि ब्राण्डन म्याकमुलनले ३६ बलमा ३ चौका र ४ छक्का प्रहार गर्दै ५३ रन जोडे । ओपनर विनोद भण्डारीले ३५ बनाए भने कप्तान दीपेन्द्रसिंह ऐरी ४३ रनमा आउट भए ।
टस जितेर पहिले बलिङ गरेको काठमान्डौंका लागि राशिद खानले २ तथा कप्तान करण केसी, साहब आलम र गेर्हार्ड इरास्मसले १–१ विकेट लिए ।
