काठमाडौं । नेपाल प्रिमियर लिग (एनपीएल)मा आज हुने पहिलो खेलमा चितवन राइनोजले टस जितेर पहिले बलिङ गर्दैछ ।
मंंगलबार कीर्तिपुरको त्रिवि मैदानमा हुने पहिलो खेलमा लुम्बिनी लायन्सविरुद्ध चितवनले टस जितेर पहिले बलिङ गर्ने भएको हो ।
चितवन ३ जित र १ हारसहित ६ अंकका साथ लिगको तेस्रो स्थानमा छ । आज लुम्बिनीलाई हराएर प्लेअफमा जाने सम्भावनालाई मजबुत बनाउन चाहन्छ ।
लुम्बिनी लायन्स भने कुनै अंक जोड्न सकेको छैन । लुम्बिनीले आजको खेल जितेमा प्लेअफमा जाने झिनो आशा बाँकी रहनेछ । पराजित भएमा २ खेल खेल्नुअघि नै प्रतियोगिताबाट बाहिरिनेछ ।
