काठमाडौं । नेपाल प्रिमियर लिग (एनपिएल) मा आज विराटनगर किंग्सले टस जितेर पहिले ब्याटिङ गर्ने भएको छ ।
बिहिबार त्रिवि क्रिकेट मैदान कीर्तिपुरमा हुने पहिलो खेलमा पोखरा एभेन्जर्सविरुद्ध विराटनगरले टस जितेर पहिले ब्याटिङ गर्ने निर्णय गरेको हो ।
पोखराको कप्तानी नेपाली राष्ट्रिय टोलीका ओपनिङ ब्याटर कुशल भुर्तेलले तथा विराटनगरको पूर्वकप्तान तथा लेग स्पिनर सन्दीप लामिछानेले गर्नेछन् ।
विराटनगरले अहिले सम्म चार खेलमा एक खेल जितेको छ भने तिन खेल हारेको छ । त्यसैगरी पोखराले पनि चार खेलमा एक खेल जितेको छ । आज दुबै टिम जितको खोजिमा हुनेछन् ।
