काठमाडौं । नेपाल प्रिमियर लिग(एनपिएल)मा काठमाडौं गुर्खाजलाई ५ विकेटले हराउँदै जनकपुर बोल्ट्स विजयी भएको छ । जनकपुर बोल्ट्स नेपाल प्रिमियर लिग एनपीएलको प्लेअफमा पुग्ने पहिलो टोली बनेको छ ।
बिहिबार त्रिवि क्रिकेट मैदान कीर्तिपुरमा भएको दोस्रो खेलमा टस हारेर १०२ रनको लक्ष्य पछाएको जनकपुरले १५.५ ओभरमा १०४ रन बनाएको हो ।
जनकपुरका लागि जेम्स निशामले २७ बनाउँदा हर्ष ठाकेरले २५ रन जोडे । कप्तान अनिल साह ११ रन बनाए भने लाहिरु मिलान्था १६ को योगदान गरे ।
काठमाडौंका लागि करण केसीले २ तथा साहब आलम र दीपेश कंडेलले १–१ विकेट लिए ।
त्यस अघि टस जितेर पहिले ब्याटिङ गरेको काठमाडौंले १९.३ ओभरमा सबै विकेट गुमाउँदै १ सय १ रन बनाएको थियो ।
काठमान्डौंका लागि गेर्हार्ड इरास्मसले २० जोडे भने कप्तान करण केसीले १९ रन बनाउँदा स्टिफन एस्किनाजीले १७ रन बनाए ।
जनकपुरका लागि ललित राजवंशी र शेर मल्लले ३ तथा मोहम्मद मोहसिनले २ र अरनिको यादवले १ विकेट लिए ।
