काठमाडौं । नेपाल प्रिमियर लिग (एनपीएल) को पोखरा एभेन्जर्सले काठमाडौं गुर्खाजलाई १३९ रनको लक्ष्य दिएको छ ।
शनिबार भएको पहिलो खेलमा टस हारेर पहिले ब्याटिङ गरेको पोखराले २० ओभरमा ८ विकेट गुमाउँदै १३८ रन बनाएको हो ।
पोखराका लागि रेमन रेफरले ४१ रन बनाए भने दिनेश खरेलले ३८ रन बनाए। दिलिप नाथले २७ र माइकल लिस्कले २३ रन जोडे ।
काठमाडौंका लागि भने राशिद खान र करण केसीले ३–३ विकेट लिए । माइकल लेभिट र गेर्हार्ड इरास्मसले १–१ विकेट लिए ।
