काठमाडौं । नेपाल प्रिमियर लिग एनपीएलमा विराटनगर किंग्सलाई हराउँदै काठमाडौं गुर्खाजले जित निकालेको छ ।
आइतबार कीर्तिपुरका त्रिवि मैदानमा भएको पहिलो खेलमा विराटनगर किंग्सलाई १ विकेटले हराउँदै काठमाडौंले प्लेअफ पुग्ने सम्भावना कायमै राखेको हो ।
१ सय १८ रनको लक्ष्य पछाएको काठमाडौं गुर्खाजले १८.१ ओभरमा ९ विकेट गुमाउँदै लक्ष्य पुरा गरेको हो । जितसँगै ८ अंक भएको काठमान्डु अंक तालिकाको पाँचौं स्थानमा उक्लिएको छ ।
काठमाडौंका लागि प्रतिक श्रेष्ठले ३९ रन बनाउँदा शंकर रानाले १६ रन जोड्दा दीपेश कँडेल पनि ११ रनमा अविजित रहे । रासिद् खानले १४ रन जोडे।
विराटनगरका सन्दीप लामिछानेले ३ तथा अनिल खरेल, वसिर अहमद र क्रिस सोलले समान २ विकेट लिए ।
त्यसअघि टस हारेर पहिले ब्याटिङ गरेको विराटनगरले १९.५ ओभरमा ११७ रनमा अलआउट भएको थियो।
विराटनगरका लागि राजेश पुलामीले २५ रन बनाउँदा दिपक बोहराले २० रन जोडे ।
काठमाडौंका लागि गेहार्ड इरास्मसले ३, दीपेश कंडेलले २ तथा साहाब आलम, करण केसी र राशिद खानले १–१ विकेट लिए ।
