काठमाडौं । नेपाल प्रिमियर लिग(एनपिएल)मा कर्णाली याक्समाथि सुदूरपश्चिम रोयल्सले शानदार जित दर्ता गरेको छ ।
१ सय २ रनको लक्ष्य पछाएको सुदूरपश्चिमले १५.२ ओभरमा ४ विकेट गुमाएर पुरा गर्यो ।
सुदूरपश्चिमका कप्तान दीपेन्द्र सिंह ऐरीले ३८ रन बनाउँदा इशान पाण्डेले ३८ रन बनाए ।
सुदूरपश्चिम रोयल्ससँग हारे पनि कर्णाली प्लेअफमा पुगेको छ । यससँगै काठमाडौं गुर्खाजको एनपीएल यात्रा समाप्त भएको छ ।
सुदूरपश्चिमले १२.२ ओभरमा कर्णालीमाथि जित हासिल गरेको भए काठमाडौं गुर्खाज शीर्ष चारमा रहेर प्लेअफ पुग्ने समीकरण थियो ।
तर, सुदूरपश्चिमले १२.२ ओभरमा तीन विकेट गुमाएर ७२ रन मात्रै बनाएपछि कर्णाली रनरेटमा माथि रहँदै प्लेअफमा पुग्न सफल भएको हो ।
योसँगै एनपिएलको प्लेअफमा पुग्नै चार वटै टोलीको टुंगो लागेको छ । प्लेअफमा सुदूरपश्चिम, जनकपुर, चितवन र कर्णाली पुगेका छन् ।
