काठमाडौं । मलेसियामा जारी एसीसी यू–१९ महिला एसिया कपमा नेपाल र श्रीलंकाबीचको सुपर फोरको खेल वर्षाको कारण रद्ध भएको छ ।
बिहिबार टस हारेर पहिला ब्याटिंग गरेको श्रीलंकाले पहिलो ओभरमा एक विकेट गुमाउदै एक रन बनाएको अवस्थामा खेल वर्षाले रोकिएको थियो ।
खेल रद्ध भएसँगै दुवै देशले एक एक अंक बाँडेका छन् ।
सुपर फोरमा भारतको २ खेलमा ३ अंक रहेको छ र शिर्ष स्थानमा छ भने नेपाल २ अंकसहित दोस्रो स्थानमा उक्लिएको छ ।
नेपाल समूह बी को उपविजेता बन्दै सुपर फोरमा प्रवेश गरेको थियो । श्रीलंका भने समूह ए को दुवै खेल जितेर समूह विजेता बनेको थियो । भारत र पाकिस्तान जस्ता टोली रहेको समूहमा नेपालले पहिलो खेलमै पाकिस्तानलाई ६ विकेटले हराएर सुपर फोरमा स्थान पक्का गरेको थियो ।
भारत विरुद्ध दोस्रो खेल भने वर्षाका कारण प्रभावित हुँदा नेपाल र भारतले अंक बाँडेका थिए । समूह चरणमा नेपाल र भारत अपराजित रहँदै सुपर फोरमा पुगेको हो ।
