काठमाडौं । कजाकिस्तानको अकताउ सहरमा ६७ जना सवार यात्रुवाहक विमान दुर्घटना भएको छ । आज बिहान भएको दुर्घटनामा केही हताहत भएको हुन सक्ने स्थानीय अधिकारीहरुले बताएका छन् ।
स्थानीय अधिकारीका अनुसार विमानमा ६७ जना सवार थिए । विमान बाकुबाट रुसको चेचन्याको ग्रोज्नी जाँदै थियो । बाक्लो हुस्सुका कारण उक्त विमानको रुट परिवर्तन गरिएको थियो ।
अजरबैजान एयरलाइन्सको तर्फबाट यस विषयमा अहिलेसम्म कुनै जानकारी नआएको बताइएको छ ।
घटनाबारे थप विवरण आउन बाँकी छ ।
