काठमाडौं । सहकारीको रकम अपचलनमा कास्की प्रहरी हिरासतमा रहेका राष्ट्रिय स्वतन्त्र पार्टी (रास्वपा)का सभापति रवि लामिछानेको कास्की जिल्ला अदालतमा बयान आजपनि जारी रहने भएको छ ।
लामिछानेसँग बिहिबार न्यायाधीश नितिज राईले ३ घण्टा बयान लिएका थिए । बुधबारदेखि सुरु भएको लीला पछाईको बयान विहिबार सकिएपछि लामिछानेको बयान सुरु गरिएको हो । न्यायाधीश राईसँग लामिछानेले सहकारीको रकम अपचलनमा आफ्नो संलग्नता नरहेको बयान दिएका छन् ।
सरकारी वकिलको कार्यालय, कास्कीले लामिछाने र छविलाल जोशीसहित ४४ जनालाई आइतबार सहकारी ठगीको आरोपमा प्रतिवादी बनाएर मुद्दा दर्ता गरेको छ ।
लामिछानेविरुद्ध भने सङ्गठित अपराध, सहकारी ठगी र सम्पत्ति शुद्धीकरण सम्बन्धी कसुरमा अभियोग पत्र दर्ता गरिएको छ ।
यसैबीच उनीलाई सांसद पदबाट पनि निलम्बन गरिएको छ ।
