काठमाडौं । पाकिस्तान सुपर लिग (पीएसएल) को ‘ड्राफ्ट’को डायमन्ड क्याटगरीमा नेपालका लेग स्पिनर सन्दीप लामिछानेलाई समावेश गरिएको छ।
पाकिस्तान सुपर लिगले शुक्रबार सार्वजनिक गरेको सूचीमा सन्दीप डायमन्ड क्याटेगोरीमा रहेका हुन् ।
यसअघि सिल्भर क्याटेगोरीमा नेपालका ६ जना खेलाडी परेका थिए । गत सोमबार सार्वजनिक भएको सूचीको सिल्भर क्याटेगोरीमा गुल्सन झा, आसिफ शेख, अर्जुन साउद, देव खनाल, दीपेन्द्रसिंह ऐरी र सोमपाल कामी समावेश गरिएका थिए।
आगामी सिजनको पीएसएलको लागि अन्तिम सूची जनवरी १३ मा सार्वजनिक हुँदैछ। पीएसएल २०२५ आगामी अप्रिल–मे महिनामा हुनेछ।
