काठमाडौं । जय ट्रफी एलिट कपको फाइनलमा नेपाल पुलिस क्लबले त्रिभुवन आर्मी क्लबलाई १०३ रनको लक्ष्य दिएको छ ।
वीरगञ्जस्थित नारायणी क्रिकेट मैदानमा जारी फाइनल खेलको तेस्रो दिन पुलिस १३९ रनमा अलआउट भएको हो ।
यसअघि आर्मी पहिलो इनिङ्समा ३९.५ ओभरमा १७० रनमा अलआउट भएको थियो । यससँगै जितको लागि आर्मीले १०३ रनको लक्ष्य पाएको हो ।
पुलिसका लागि कुशल भूर्तेलले ४५रन बनाउँदा दिलिप नाथले ३४ रन जोडे । अन्य खेलाडी राम्रो खेल्न सकेनन् ।
आर्मीका लागि साहब आलम र बसिर अहमदले ५–५ विकेट लिए ।
जारी खेलमा आर्मीले ब्याटिङ गरिरहेको छ ।
